Asal Usul Desa Jepon

Nalika jaman Kerajaan Pajang, pimpinan kerajaan kui nduweni 3 anak sing siji wadon lan loro lanang. Sing lanang tundhuk marang wanita, padha ora gelem netep lan nduweni kuasa ning kerajaan kasebut banjur pindah menyang luar negeri. Ing sawijining dina, ana ing tengah perjalanan salah sawijining putra Kerajaan Pajang seda ing desa Semanggi lan sijine urip ing Janjang. Ana ing kana dheweke nduwe santri.

            Ing sawijining dina, dheweke ngutus santri madosi dandang. Banjur santrine kui metu kanggo nggoleki dandang kasebut. Santri mau terus mlaku mudhun ing dalan.Delalah santri mau ngerti ana keramaian,dheweke kepingin weruh banjur nyedhaki keramaian mau.Jebule iku mau pasar.Santri mau mikir yen awake bakal nemokake dandang ing pasar iku. Nanging sakwise dheweke anak ing pasaran dheweke mung nemokake injet lan empon-empon. Akih banget  pedagang sing ngedol injet lan empon-empon ing kana. Banjur santri mau ngomong “Mbesuk yen ana reja-rejane jaman ing desa iki,mula desa iki disebut Desa Jepon”. Santri mau terus mlaku goleki dandang ing pasar iku. Sakwise nemu dandang sing kaya dikarepake,dhweke banjur mulih. Barang urung tekan omah, ning dalan dheweke dicegat wong ala, santri mau dibegal lan seda ing kana.Santri mau dikubur ing kidule pasar Jepon. Nganti saiki pasareane digunakake kanggo keramat wong-wong sing ana ning desa iku. Banjur pasareane iku disebut Pasareane Mbah Dandang.